वेब जर्नलिझमचे धडे गिरवणा-या विद्यार्थ्यांना आपले कौशल्य दाखवण्याची संधी मिळावी, या एकमात्र हेतूने प्रायोगिक तत्त्वावर webjournalist.webs.com ही नवी वेबसाइट सुरू करण्यात आली आहे. मुंबई मराठी पत्रकार संघाचे उपाध्यक्ष शशिकांत सांडभोर यांच्या हस्ते शनिवार दि. 2 मार्च 2013 रोजी या वेबसाइटचे लाँचिंग झाले. मुंबई मराठी पत्रकार संघाच्या वतीने चालवण्यात येणा-या पत्रकारिता अभ्यासक्रमांचे समन्वयक प्रमोद चुंचुवार आणि प्रमोद इंदुलकर देखील उपस्थित होते.वेब जर्नलिझमच्या विद्यार्थ्यांना उपयुक्त ठरेल, अशीच या नव्या साइटची रचना आहे. विद्यार्थ्यांनी केलेले लिखाण तसेच ब्लॉगच्या माध्यमातून व्यक्त केलेले विचार या व्यासपीठावरून सर्वांना पाहता येतील. वेब जर्नलिझमच्या अफाट विश्वात आमच्या विद्यार्थ्यांचे हे पहिले पाऊल आहे. या प्रामाणिक प्रयत्नाला आपण सर्वांनीही सहकार्य करावे, वेब जर्नलिझममधील नव्या शिलेदारांच्या धडपडीला मनमोकळी दाद द्यावी, या अपेक्षांसह ही वेबसाइट लाँच करत आहोत.
वेबसाइट पाहण्यासाठी पुढील लिंकवर क्लिक करा....
http://webjournalist.webs.com/
- सुनील घुमे
No comments:
Post a Comment