Thursday, 7 April 2016

तुम्हीच बनवा तुमची वेबसाइट अगदी फ्री...

होय! हे शक्य आहे... 
'वेबसाइट बिल्डर्स'च्या माध्यमातून तुम्ही विनामुल्य वेबसाइट बनवू शकता. गेली अनेक वर्षे 'वेबसाइट बिल्डर्स' फ्री वेबसाइटची सेवा पुरवित आहेत. जर तुम्हाला स्वत:चं किेंवा तुमच्या व्यवसायाचं ऑनलाईन मार्केटींग करायचं असेल तर त्यासाठी 'वेबसाइट बिल्डर्स' हा एक उत्तम पर्याय सध्या उपलब्ध आहे. 



इंटरनेमुळे व्यापार क्षेत्रात अमुलाग्र बदल घडून आलेत. व्यवसायाचा आवाखा वाढविण्यात इंटरनेट महत्वाची भूमिका बजावत आहे. पण त्यासाठी तुमचा व्यवसाय ऑनलाई असणंही तितकंच गरजेचं आहे. आपल्या व्यवसायासाठी, इतर उपलब्ध पर्यायांच्या तुलनेत, ऑनलाईन मार्केटींग हा एक उत्तम पर्याय ठरू शकतो. यालाच वेब मार्केटींग असेही संबोधले जाते. पण वेब मार्केटींगसाठी वेबसाइट आवश्यक असते. फक्त वेबसाइटच्या माध्यमातूनच वेब मार्केटींग होत, असं नाही. पण स्वत:ची वेबसाइट हे तुमचं हक्काचं व्यासपीठं असतं.  


वेबसाइट ही अनेकांसाठी अजूनही एक क्लिष्ट प्रक्रीया आहे. वेबसाइट बनवणं म्हणजे खर्चिक काम, असं अनेकांचं मतं आहे. काही अंशी ते योग्यही आहे. पण आता 'वेबसाइट बिल्डर्स'चा पर्याय उपलब्ध असल्यामुळे, वेबसाईटबाबत भीतीचं काही कारणं नाही. 'वेबसाइट बिल्डर्स' म्हणजे अशा वेबसाइट्स ज्या तुम्हाला फ्री वेबसाईट बनविण्यासाठी लागणा-या सर्व प्रणाली ऑनलाईन पुरवितात. पूर्वीचा ओबडधोबड वेबसाइट्सचा जमाना गेला. आता 'वेबसाइट बिल्डर्स' तुम्हाला निरनिराळ्या प्रकारच्या डिझाइनचा समावेश असलेले टेम्प्लेट्स पुरवितात. या टेम्प्लेट्सच्या माध्यमातून एक सुंदर-सुबक अशी विनामुल्य वेबसाइट तुम्ही बनवू शकता.


websitebuildertop10.com च्या सर्वेक्षणानूसार 2016 मधील टॉप टेन 'वेबसाइट बिल्डर्स'...

www.sitebuilder.com                         98%

www.websitebuilder.com                  95%

www.sitey.com                                   91%

www.ehost.com                                  90%

www.sitelio.com                                 85%

http://www.webs.com/                       80%

www.siteblog.com                             79%

www.godaddy.com                            78%

http://www.squarespace.com/          77%

http://www.1and1.com/                     76%


(नरेंद्र बयाणी)

Tuesday, 5 April 2016

पारंपरिक बैठकीची सजावट


   http://prahaar.in/wp-content/uploads/2014/03/hall.jpg लिमॉडर्न जगतात सगळं काही मॉडर्न पद्धतीने सजवण्याचं फॅड आलं आहे. चमच्यापासून ते बेडरूमपर्यंत सगळं काही मॉडर्न हवं असतं. लिव्हिंग रूममध्ये बसण्यासाठी सोफा कम बेड असावा. तसंच जेवताना डायनिंग टेबलच पाहिजे. पण या सोफा कम बेड आणि डायनिंग टेबलची जागा हल्ली बैठय़ा सोफा सेटने घेतली आहे. बाहेर कितीही पद्धतशीर वागलो तरी घरात आल्यावर जरा आपल्याला जसं आवडतं तसंच आपण बसतो. आरामदायी व आरोग्यपूर्ण जीवनशैलीला प्रोत्साहन देणा-या काही जुन्या पद्धती लोकं पुन्हा अवलंबत आहेत. त्यातच खाली बसण्याची जुनी पद्धत पुन्हा प्रचलित झाली आहे.
व्हिंग रूम म्हणजेच बैठकीची खोली. पाहुणचाराची सुरुवात या खोलीपासूनच होते. म्हणून या खोलीचं विशेष महत्त्व आहे. थकूनभागून घरात आल्यावर बसण्यासाठी आसान हे आरामदायक असावं. तसंच घरात आल्यावर आपल्याला शांत आणि प्रसन्न वाटायला हवं, अशा पद्धतीने घराची मांडणी असावी. आजकाल सोफा कम बेड वर जाऊन बसायचं म्हटलं की अगदी शिस्तीत आणि सरळ बसावं लागत. त्याऐवजी पारंपरिक बैठक असली तर मस्त मोकळेपणाने बसण्याची मुभा मिळते. ही पूर्वीची बैठक म्हणजे मस्त जमिनीवर बसणं. सोफा कम बेडमुळे या पद्धतीचा विसर पडलाय. पण कधी तरी लहर आली की आपण खालीच बसतो. ‘खाली बसल्यावर जरा बरं वाटतं’ असं सहज बोलून जातो. पण हे खरंच आहे, खाली बसल्यावर आपण पाय मोकळे ठेवू शकतो. तसंच बसण्यावर आणि बसल्यावर कसलंच बंधन नसतं. जमिनीवर निवांत बसू शकतो. यासाठीच काही जण जुन्या पद्धती अवलंबू लागले आहेत. इंटिरिअर डेकोरेटर्सनी यात चांगलीच शक्कल लढवून लिव्हिंग रूममध्ये बैठय़ा भारतीय पद्धतीची मांडणी करतात. त्यात ही ‘मॉडर्न टच’कसा मिळेल याची काळजी घेतली जाते. ही मांडणी सोफ्यासारखीच असते. त्यात तुम्हाला बरेच रंग उपलब्ध होतील. ही बैठी पद्धत खिडकीच्या जवळ असेल तर आणखीनच छान. तसं केल्यास बाहेरील रस्त्यावरील दृश्य तुम्हाला आरामशीर पाहता येईल. पडद्याचा रंग आणि उश्यांचा रंग तुमच्या आवडीनं निवडू शकता. तसेच या बैठय़ा सोफा सेटमध्ये गडद रंग आहेत, त्यामुळे घरात एक पॉझिटिव्ह वातावरण निर्माण होतं आणि आल्हाददायक वाटतं.




बैठय़ा सोफा सेटमुळे कंबरेला आणि हातापायांनाही त्रास होत नाही. लिव्हिंग रूममध्ये असलेला हा बैठा सोफा सेट तुम्हाला जिथं ठेवायचा असेल तिथं तुम्ही ठेवू शकता. तसंच साफसफाई करताना तो हलवणंही सोपं जातं. घराचं नूतनीकरण केलं असेल तर त्याची जागा तुम्ही बदलू शकता. ही बैठी पद्धत आरामदायक तर असतेच त्याशिवाय सोयीनुसार ते हलवता ही येतात. तसंच या बैठय़ा सोफा सेटमध्ये तुम्हाला बरेच रंगही मिळतील. यासाठी इंटिरिअर डेकोरेटर्सचं मार्गदर्शन घेऊ शकता. इंटिरिअर डेकोरेटर्सचा सल्ला तुम्हाला घ्यायचा नसेल किंवा तुम्हाला तुमचं घर तुमच्या आवडी-निवडीनेच सजवायचं असेल तर तेही शक्य आहे. बाजारात गेल्यावर दुकानदाराला तुमच्या आवडीचं डिझाइन आणि रंग सांगून तुम्हाला जसा पाहिजे तसं सोफा सेट बनवून घेऊ शकता. जास्त खर्च करायचा नसेल तर हे कमी खर्चातही शक्य आहे. नुसती तुमच्या आवडीची चटई जमिनीवर टाकून त्यावर गादी किंवा बिछाना टाकायचा. तुम्हाला आवडेल त्या रंगाची चादर त्यावर टाका. चादरीचा रंग शक्यतो गडद असला तर जास्त उठून दिसेल. पाठी टेकून बसण्यासाठी तुम्ही कुशनचा वापर करू शकता. बाजारात कुशनच्या खूप चांगल्या डिझाइन्स आणि पॅटर्न उपलब्ध आहेत. त्या गादीवर ठेवू शकता.
लिव्हिंग रूमच्या बैठय़ा पद्धतीप्रमाणे डायनिंग टेबलचेही प्रकार बदलले आहेत. पूर्वी, खाली बसून जेवण्याची पद्धत होती. खाली बसून जेवल्याने गरजेइतकंच जेवण खाल्लं जातं, तसंच पोटाचे विकारही होत नाहीत असं म्हणतात. म्हणूनच, पूर्वी जमिनीवर बसून मांडी घालून जेवण्याची रीत प्रचलित होती. काही जणांना डायनिंग टेबलशिवाय जमतच नाही. असं असलं तरी पूर्वीची पद्धत पुन्हा सुरू झाली आहे. यात ही मॉडर्न टच दिला जातो. अगदी खाली ताट न ठेवता ते योग्य उंचीच्या टेबलावर ठेवण्याची पद्धत प्रचलित झाली आहे. आपल्याला ताट ठेवून व्यवस्थित जेवता येईल इतक्या उंचीवर ते टेबल असतं. मॉडर्न टच म्हणून त्या टेबलाच्या ब-याच डिझाइन्स बाजारात उपलब्ध आहेत. उत्कृष्ट कलाकुसर केलेले हे टेबल्स बाजारात दिसतात. लाकडाच्या आणि स्टीलच्या टेबलांची चलती जास्त आहे. तसंच त्याच्या किमतीही तुमच्या खिशाला परवडण्याजोग्या असतात. आधुनिक फर्निचर्स आणि पद्धती कितीही प्रचलित झाल्या तरी जुनं तेच सोनं असतं यात काही शंकाच नाही. या जुन्या पण नव्या मॉडर्न टचने बनलेली बैठी टेबल्स तुम्हाला नक्की आवडतील. मॉडर्न लुक असला तरी ती भारतीयच   आहेत.

                                                                                                                              (  प्रिता झगडे )



.

                    

  

Friday, 1 May 2015

धनंजय कुलकर्णी (पोलिस उपायुक्त परिमंडळ पाच)

सामाजीक बांधिलकी जपणारा अधिकारी
मुंबई पोलिस म्हटले कि, समोर उभे रहाते एक भारदास्त व्यक्तीमत्व. अशाच एक व्यक्तीमत्वांपैकी आहेत धनंजय रामचंद्र कुलकर्णी.विज्ञान शाखेतुन पदविधर होउन महारा्ष्ट्र सेवेतरुजू झालेले धनंजय कुलकर्णी यांनी llbआणी mbaसुध्दा केलेले आहे. नगर जिल्यातील हा गुणी अधिकारी १९९८ साली पोलिस दलात भरती झाला.

एक पाउल भविष्याच्या दिशेने

बालपणीचा काळ सुखाचा या वाक्यातील सत्यता आता मोठं झाल्यावर समजू लागली आहे. खरोखरच किती छान दिवस असतात ते. कोणत्याही टेंशन शिवाय स्वछंदी जिवन जगणे म्हणजे बालपण होय. म्हणुनच तर प्रत्येकजण आपल्या आुयुष्यात पुन्हा

ताजमहाल

जगातील सात आश्चर्यांपैकी एक असलेला ताजमहल हा आपल्या देशाची शान समजला जातो. याचा आपल्या सर्वांना अभिमान असायला हवा. देशीविदेशी सर्व पर्यटकांची पहिली पसंती

डॉ. बाबासाहेब आंबेडकर

१४ एप्रिल १८९१ हा दिवस उजाडला आणी भारतात एक नव्या पर्वास सुरुवात झाली. या दिवशी एका महान व्यक्तिचा जन्म झाला. जो केवळ भारतापुरताच मर्यादित राहिला नाही तर विश्वविख्यात झाला.
त्यांचे नाव होते डॉ. भिमराव रामजी आंबेडकर म्हणजेच आपणा सर्वांचे लाडके बाबासाहेब आंबेडकर. न भुतो न भविष्यती ह्या वाक्यातुन आपण या माणसाच्या महानतेचा अंदाजा लावू शकतो. भारतीय घटनेचे शिल्पकार म्हणुनही बाबासाहेब ओळखले जातात.
शालेय जिवनात पाणी पाजणारा चपराशी देखील त्यांना पाणी पाजत नसे. पण स्वाभिमानी बाबासाहेबांनी कधी लाचारी पत्करली नाही. ते तसेच दिवसभर पाणी न पिता रहात असत. ईतर मुलांप्रमाणेच आपल्यालाही समान अधिकार मिळवण्यासाठी ते प्रयत्न करत असत.

जागतिक बॅंक

आपण नेहमी ऐकतो कि भारतातील प्रत्येक व्यक्तीच्या डोक्यावर सरासरी अमुक अमुक , एवढे एवढे कर्ज आहे म्हणुन. त्यावेळी मनात विचार येतो कि, आपण तर कोणतेच कर्ज काढले नाही मग आपल्या डोक्यावर हे कोणते कर्ज. तर हे कर्ज आहे जागतिक बॅंकेने आपल्या विकासासाठी आपल्याला दिलेले. विकास किती झाला हे तर आपणा सर्वांना माहितच आहे काहि वेगळे सांगण्याची गरज नाही. मात्र कर्ज काही अजुन उतरले नाही. असो आजचा विषय हा नाही आहे. आजचा विषय आहे जागतिक बॅंकेची कर्ज देण्याची पध्दती. जागतिक बॅंकेचे कार्य कसे चालते याचा आपण थोडक्यात आढावा घेउ.